اكتب يومياتك

انا ليه جاتني هذي الفكرة؟؟؟ليه؟؟؟
لانو اليوم سار معايا شي بايخ مرررة
وهوا
كالعادة رحت الجامعة متاخرة بس مو اي تاخير
تاخير ابو نص ساعة وطبعا الاستاذة شديدة وشرانيه ماتسمح لي ادخل
فقلت اجلس استنى برا القاعة لين مايخلصو بدل ما ادخل واسمع لي كم كلمة وفي النهايه ماتدخلني
جلست استنى وجات معايا بنت زيي متاخرة
انا عاااد ارسلت لصحبتي رسالة قولت لها لمن الاستاذة تنادي الاسامي اديني دقة
بعد فترة ادتني دقة وبداو البنات يطلعو من القاعة
انا على طووووووول دخلت جري
وجلست كاني مكن اول حاضرة والبنت زي معايا
المهم رحنا عندها على المكتب وقالت لها البنت :استاذة ما ناديتي اسمي الاستاذة اتفجعت وقالت معليش يمكن ما انتبهت
وحطتها حظووور
بس اختكم في الله انا توتو
ماعرفت اكذب قالت لي انتي كمان ماناديت اسمك
انا قولت لها اااااااااااااااااااه اااااااااااه
الا ناديتي بس انا كنت برااا
ماحظرت كنت متاخرة
ضحكت ضحكة شريرة
وقالت لي اهااا
يعني انتي غياب اليوم
وحاولت فيها مارضيت تحضرني
انا انقهرت انو اللي كذبت حطتها حظور ومشي حالها وانا اللي ماكذبت غياااااااااب
بس بعدين اتبسط لانو اتذكرت(من ترك شي لله عرضه الله خير منه)
وقلت توبه بعد كذا اتاخر عليها
وبس
توتو
انتو ايش سار معاكم

والله شي جميل انك قلتي الصدق وهذا مو غريب عليك لانك انسانه خلوقه ولا تكذبين



الصدق منجاه وان وجدت فيه الهلكه فان فيه النجاهـ


الله يوفقك خير من الحضور يالغلا

ولا عدمناكـ

فيروس
شكرا شكرا شكرا

بس انا توقعت تكتب شي سار معاك الصبح
شي حلو يعني
صوووح

اللي يدخل يكتب اي شي مميز سار لوه

توتو سلمت أناملك على الفكرة الحلوة

بس اليوم مافي شي يذكر اذكر اني دخلت البيت 6 الصباح ونمت لين قبل شوية ودخلت المنتدى


ســـــــــــــــــــــــــــــلأإأأإأإمً

ياقوتة مو تكتبيشي خاص
اكيد طبعا
انا قصدي شي مميز سار لكي
يعني شوفي زلومة ايش ابسط من كذا
دخل بيتو الساعة 6
كذا الفلة ولا بلاااااااش

انا بكتبلكم ايامي بالثانوية الله ياثانوية


احم احم


اخوكم كان في المدرسة تشوفوه ولامدير اجلس بالبوفيه لين الساعة 8 وادخل المدرسة يجيني المدير شايف نفسك فين في مدرسة ولافي بيت امك اكتبلي تعهد واخوكم طبعا حافظ صيغة التعهدات من صغرو يكتب ويوقع اما في قصة التوقيع فنان ...المهم ماعلينا

يجي يقول تعال وش الشعر الطويل دا اقولو اقتدي بالرسول يقولي يالله سبحان الله نزل عليك الوحي اقولو سبحان الله

يقولي امشي فصلك وبكرة تجيني حالق وطبعا اخوكم يدخل على الحصة الثالثة وياحبي للحصص


وافتح الشنطة فيها دفتر كاشكول يالله دفتر كشكول من اولى ثانوي اوراقو صفرة الصفحة الأولى رياضيات الثانية فيزياء حتى مادة الوطنية كاتب فيها

ويجينا مدرس النحو ياحبي له وهاتك يازلوومة وطلع الطراطيع ونولع الأولى عند المكيف الأيمن ونقوول اشبوو المكيف غبي طبعا راح يطفيه

المهم ولعت الثانية جهت المكيف الثاني واحد فضح اهل جدت امي قال شكلو المكيف 220 وهاتك الفصل ضحك الأستاذ افتهملها وقال مين ابن الجزمة الي سوا القريمة دي حسسني انو كونان في لحظة قال كل الي ورا يوقفوو وجاب العصاية ضرب العيال وصل عندي بكل وقاحة اقولو ماانضرب انا ماسويت ششي واسسوي ذاك الواد المؤدب وانزل عند المدير واسوي الي يشتكي واخذلي اجازة اسبوع فصل


والله في اشياء وبلاوي كنا نسويها بس بعطيكم على اجزاء سي يا

هع هع هع هع

انتا شكلك الثانوية كلها متعاقد مع المدير
كل يوم تصبح عليه
بالله اعطينا من البلاوي
بلام بلااام

اقول ايه واسيب ايه

المدير اذا ماعديت عليه باليوم مرتين ثالثة يكون يوم اسود بالنسبة ليا

الله يااستاذ عبدالمحسن >اعطيك شهادة شكر وحسن سيرة وتعذيب


المدير لو صارلو شي مني راح يموت شهيد

اجبلكم يووم استاذ الكيميا

استاذ الكيميا عندو القلب المهم ونحنا عارفين بسس طيش


المهم انا كنت نايم صحاني واي استاذ يصحيني اعمل انقلاب عليه كل الفصل يقلب

المهم قالي انت في مدرسة ولافندق قولتلوو فندق قالي ايه قولتلوو قولتلك مدرسة

المهم قالي نحنا كنا بنقول ايه فين وقفنا قولتلو بكل استهبال رابع اكسيد الكربون > صاح انتا غبي

قالي طيب اسمع ياابني
حمض +قاعدة=طبعا الجواب ملح وماء

انا قولتلو بكل استهبال حمض زائد قاعدة سهل يساوي تفاعل


والعيال ضحكووو

المهم واحد طلع ضحكة زي حقت الرقاصات المصريات >هع

قام سب سب سب >خلص

واحد قال يامتوحش بنفس صوت الرقصات >المهم شال كتبوو وعدتوو اسبوعين مادرسنا كيميا

وهاتك المدير يجي مين سوا كذا ويصيح ومين الضحية على المقدمة اول واحد يناديني انا عشاني ضعيف


ولسا في وفي والله حكاياتي ماتنتهي مع الدراسة بكرة استاذ الفيزيا والرياضيات


سي يا

حمض + قاعده = تفاعل كيميائي ما صح يا العبقرينو
عموما ما الومك
انا من ناحيتي ما احب الكيمياء
بس الاحياء هي الماده الوحيده اللي اتعقدني
خلنا من كل هذا الكلام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اليوم اول ما قمت اتغسلت و طرت للكمبيوتر <<<<<<< 24ساعه قاعده على الكمبيوتر
عموما
شفت قصه واصلتني على الايميل فقلت اقراها
و الله أحلى قصه حب اسمعها
و بعدين خليت اختي الياقوته تقراها بالغصب بعد ما على كيفها
و انا قعدت اشوف الألعاب اللي في المنتدى