نـــــدوشـــــة V.I.P
الأوسمه : عدد الرسائل : 1101 العمر : 35 الموقع : الرياض البلاد : تاريخ التسجيل : 20/03/2009
| موضوع: مسكين 8/4/2009, 08:30 | |
| مسكين من فارق..وعانى غربة الفرقى لحـــاله مسكين من يبكي جراحه..دااايم جروحه نديّـــــه
مسكين من يوفي لخويّـه بس خويّـه ماوفــى له مسكين من أفنى حيـــــاته في غرابيـــل البريـّـه
مسكين من يظلم لغيره....ثم يصــــرخ للـعـدالـه مسكين من ينوي صلاحه ثم يسبح وســط غيّــه
مسكين من شانت وصوفه ولا يرى إلا جمـــاله مسكين من حبّ البنيّــــة ولا درت عنه الـبنـيّــه
مسكين عنتر حبّ عبله بس زمانه ماصفى لـــه مسكين قيس بن الملوّح يوم حبّ العـــامـــريـّــه
مسكين من يزرع شهورٍ ثم زرعه ماابدى لــــه مسكين من يطرح يدينه بالغلط في جحر حــيــّــه
مسكين ذاك الطــفـــل يــوم انه حُرِم عزه ودلاله طفلٍ حظوظه طاايحه..فيها الشقـــا ودايم رديـّــه
مسكين قلبي يوم حب البنت والعـــاذل عـنــا لــه ودّه يفرّق حـبـنــــا..ودّه تــمــوت الشــاعــريّــــه
مسكين ياشخصٍ يجيني ويعذل القـلـــب ابحـلاله والله لو يعذل دهــــر..مايقتـــل الأشواق بــيـّــــه
ذي غايتي..ذي منيتي..اليا ضما صدري(زلالــه) ذي فرحتي..ذي سلوة الخـاطـــر بليله سرمــديّـه
باوفي لهـــا وانا مثل ذيبٍ صـديـقـــه اعتــوى له واحب ممشى رجـلـــهــا واتابعه لوّه خـطـيــــّـــه
باحبها واعلن على كـــل المــلا (عشق الخباله) واقدّم الخــافـــق ونبضــه ابراحـــة ايديها هـديّـه
باكتب لـهــــا أجـمل قصيدي واعتني له بالجزاله واغوص في بحر الهجيني والحقه بالســـامــريّه
لو تطلب عيوني..فدا..أردها؟؟! هــذي استحـالــه بعطيها عيني مارتجـــي ورى عيوني من جـزيّــه
ياعــاذلي ..والله قـلــبــي ما رضــى حــبٍ بــدالــه وانا ترى مــاني صغيــرٍ يـوم تـعـذلـهـا عــلـيــّه!!
ماني مراهق..لا ولا حتى عرفت اسم العطـالـــه ان قلت أحبك!! يعني أحبك.. لاتشكّك لحظه فيّــه
وان كان ياعاذل نسيت..اذكــرك قـلبـي اجّرى له يمكن تحس وتفتهــــم ونعيش انا وقلبـــي سـويّه
ثمنطعش خمسه الذي عدّى..فقدت اجـمـل غزاله واليأس عاش بداخــلــي..وبداخلي ظلـمه عتيّـــه
ماتت غزالة ناظـــري والدمــع أهداني وصــالـه يكفيني دمعي وما جرى..يكفينـــي صدمــاتٍ قويّه
صرت اشتري بعمري الفرح..بس الحزن مكّن ضلاله الين صادف خافقي ((أخـت القمر)) ساعة عشيّه
بدت مشــاهد فرحتي تطـــري علي في كل جــالــه بديت اعوّد لــلحيـــاه .. من عقب ماذقت المنـيـّـــه
ثمٍ تجي ياعاذلـي تعذلــني في فـــرحــي ((عـذاله)) وانا شفاتي ما اضحـكــت..لها سنه إلا شـويّـــه؟!
ياعـــاذلي قـلـبـكـ رديٍ و(الخساســـه) راس ماله وانا على ((عهد الوفا)) ببقى لهــــا..ذيك الوفيّــه
مسكين ذاك العـــاذل اللي قاصـــد بفـعــلــه نذالـه مسكين يومـــه يرتجي يبعــــدني بافــكــار ٍ غبـيّـه
مسكين ذاك العــــاذل اللي اعمته عين الجهـــاله مسكين, ضايع, منتهي, وهذي من قلبي وصيّـــه
((ياعاذلي لا تشتقي .. درب العذل مالك ومــالـــه ترى العـــذل-ان كنت ماتدري؟!- ســواياتــه دنيّـه
| |
|
الصقر الجريح عشو نشيط
الأوسمه : عدد الرسائل : 21 العمر : 34 البلاد : تاريخ التسجيل : 10/06/2009
| موضوع: رد: مسكين 8/4/2009, 09:59 | |
| اخخخخخخخخخخ مسكين من يبكي جراحه..دااايم جروحه نديّـــــه
مشكور ندوشة موضوع حلو والله الله لا يا حرمنا من جديجك تقبلي مروري اسلام | |
|
نـــــدوشـــــة V.I.P
الأوسمه : عدد الرسائل : 1101 العمر : 35 الموقع : الرياض البلاد : تاريخ التسجيل : 20/03/2009
| موضوع: رد: مسكين 8/7/2009, 12:38 | |
| يسلمووو الصقر على مرورك الرائع | |
|